今日教大家一個正能量聽電話法。
話說我又收到XX財仔打嚟，對方把聲幾好聽，第一句又好有禮貌。
👦🏻：你好，請問係咪駱小姐？
😆：我係！（好大聲正能量級數爆曬）
👦🏻：呢度係xx打嚟，想問返駱小姐卡數有無10至15萬？
😆：無！（一樣大大聲）
👦🏻：咁請問卡數大概仲有幾多？
😆：我無信用卡！（真心mode）
👦🏻：哦，咁呀...
正當佢諗緊下一句果陣我突然間問問題。
😆：我想問下呢，你哋係點樣得到我手提電話㗎？
👦🏻：我係睇返我哋有同事之前有聯絡過你...
冤枉呀大人我無借過財仔呀～～～～
😆：好！原來係咁！唔該曬你呀！bye bye～
我收咗線。
#我覺得如果隔離有人
#會誤以為我同緊好fd嘅朋友傾計
#又或者係長輩
#因為真係好大聲😆
#明白大家可能都好大冤氣
#最近都成日收到電話叫你借錢呀大灣區買樓
#有時喺條街度聽到啲阿叔大嗌
#大L把錢呀唔借呀
#果種燥底 #可能會傳染俾接線生
#每日都俾人問候老母
#心情應該唔好受 #希望個市快啲好啲
#大家都唔洗問人借錢
#借我錢果位朋友都快啲還錢俾我
#感謝你❤️ #當你恩人咁拜
Search